මෙරට මත්ද්‍රව්‍ය සහ ගිනිඅවි ජාවාරම්වලට සම්බන්ධ කිඹුලා ඇළේ ගුණා, ලඩියා, වැල්ලේ සුරංග ඇතුළු පාතාල නායකයින් 9 දෙනෙකු ඉන්දියාවේදී අත් අඩංගුවට ගෙන තිබේ.
තමිල්නාඩු ප්‍රාන්තයේ සරණාගත කඳවුරක සිටියදී ඔවුන්ව ඊයේ (19) දිනයේදී ඉන්දීය ජාතික විමර්ශන ඒජන්සිය විසින් අත් අඩංගුවට ගෙන ඇති බවයි එරට මාධ්‍ය වාර්තා කර ඇත්තේ.
මෙසේ අත් අඩංගුවට ගෙන ඇත්තේ සී. ගුණසේකරන් හෙවත් ගුණා, පුෂ්පරාජා හෙවත් පූකුටු කන්නා, මොහොමඩ් අස්මින්, සුනිල් ගාමිණී ෆොන්සේකා, ස්ටැන්ලි කෙනඩි ප්‍රනාන්දු, ලඩියා, ධනුෂ්ක රොෂාන්, වැල්ලේ සුරංග සහ දිලීපන් යන අය බව සඳහන්.
මොවුන් සම්බන්ධයෙන් වැඩිදුර විමර්ශන ක්‍රියාත්මක බවත් ඉන්දීය මාධ්‍ය වාර්තා කර තිබිණි.
RN
