ඩලස් අලහප්පෙරුම මහතාගේ නායකත්වයෙන් යුතුව තිබුණු නිදහස ජනතා සභාව මේ වෙනකොට කෑලි කෑලි කැඩිලා. එතනින් ජී. එල්. පීරිස්, නාලක ගොඩහේවා ඇතුළු 8 දෙනෙක් සමගි ජන බලවේගයට එකතු වෙන්න සූදානම් ලු. ඔවුන් කීපදෙනෙක් ඒ බව ප්රසිද්ධියේමත් කියනවා දැන්.
ඩලස්ගෙ උත්සාහය කොහොම හරි ජනතා විමුක්ති පෙරමුණ ප්රමුඛ ජාතික ජන බලවේගයට සෙට් වෙන්න ලු. ඕක කෙරෙන වැඩක් නෙවෙයි කියලා කොතෙකුත් පේන්න තිබුණත් අවසාන මොහොතේදී හරි තමන්ට චාන්ස් එකක් ඒවි කියන බලාපොරොත්තුවෙන් ලු ඩලස් ඉන්නේ.
ඔය අතරේ ආණ්ඩු පක්ෂයේ මැති ඇමතිවරුන් 25 දෙනෙක් සජබට එකතුවෙන්න නියමිතයි කියලා සුජීව සේනසිංහ මාධ්යවලට කියලා තියෙනවා. සජබ සන්ධානය පිහිටුවීමේ වැඩවල ලොකු වගකීමක් සුජීවට පක්ෂයෙන් පවරලා කියලාත් ආරංචියි. එහෙම බැලුවාම ඉලක්කම්වල වෙනස්කම් තියෙන්න පුළුවන් වුණත් ඔය කතාවේ ඇත්තක් තියෙන්නත් ඉඩ තියෙනවා.
රොෂාන් රණසිංහ, දයාසිරි ජයසේකර වගේ අයත් මේ වෙනකොට සජබත් එක්ක සාකච්ඡා පටන් අරන් ලු.
කොහොම වුණත් 2024 කියන්නේ මැතිවරණ වසරක්. දැන් පාර්ලිමේන්තුවේ ඉන්න ගොඩදෙනෙකුට ප්රශ්නය වෙලා තියෙන්නේ මීළඟ මහ මැතිවරණයේදී තමන්ගේ ආසනය බේරාගන්න එක. ආණ්ඩුව පැත්තෙන් මිනිස්සුන්ට වැටෙන පීඩනය වැඩිවෙනවා නම් විපක්ෂයට හේත්තු වෙන එක තමයි ඔය බොහෝදෙනෙකුට ඉතුරු විකල්පය වෙන්නේ.
සිද්ධ වෙන දේවල් ගැන හරියටම කියන්න තාම කල් වැඩියි. බලාගෙන ඉන්නයි තියෙන්නේ ….
RN
