මුලතිව් හි පදිංචි 13 හැවිරිදි දැරියක් ඇගේ නිවසට යාබදව මිය ගොස් තිබියදී සොයාගෙන තිබේ.
මිය යන අවස්ථාවේදී ඇය දෙමස් ගැබිනියක ව සිටි බව ද, ලිංගික අඩන්තේට්ටම්වලට ලක් වී ඇති බවට ද සැක පළ කෙරේ. පශ්චාත් මරණ පරීක්ෂණයෙන් හෙළි වූයේ ඇගේ ලිංගික ප්රදේශවල තුවාළ ද දක්නට ලැබුණු බවයි.
මෙම සිද්ධියත් සමග කැළඹීමට පත් ප්රදේශවාසීන් ඊයේ දිනයේ උතුරේ සිදුවන ළමා සහ කාන්තා ප්රචණ්ඩත්වයන් ට එරෙහිව විරෝධතාවක නිරත වන අන්දම ද දැකගත හැකි විය.
මෙම දැරිය දෙසැම්බර් 15 වැනිදා පටන් සිය නිවසින් අතුරුදන් ව සිටි අතර, ඇගේ මව මේ සම්බන්ධයෙන් පුදුකුඩුඉරුප්පු පොලිසියේ පැමිණිල්ලක් ද දමා තිබිණි.
සිද්ධිය සම්බන්ධයෙන් ඇගේ පවුලේ ඥාතියෙකු අත්අඩංගුවට ගෙන ඇත.
මාස 16 ක් තුළ මෙරටින් වාර්තා වන 8 වන ළමා මරණය මෙයයි.
– AJ
Photos: Tamil Guardian
