ශ්‍රී ලංකා පොදුජන පෙරමුණ මේ වනවිට ජනාධිපතිවරණයට ඉදිරිපත් කිරීම සඳහා අපේක්ෂකයින් සිව්දෙනෙකු පිළිබඳ සලකා බලමින් සිටින අතර පාර්ලිමේන්තු මන්ත්‍රී ධම්මික පෙරේරා මහතා අනිවාර්යයෙන්ම එම අපේක්ෂකයින් සිව්දෙනා අතර සිටින බවත් එම පක්ෂයේ මහලේකම් සාගර කාරියවසම් මහතා පවසයි.
ප්‍රශ්නය – ඇතැම් වෙබ් අඩවි සහ සමාජ මාධ්‍ය වාර්තා කරලා තිබුණා පොදුජන පෙරමුණේ ජනාධිපති අපේක්ෂකයා ධම්මික පෙරේරා කියලා ?
“ඔබ ඔය කියපු කාරණය සම්බන්ධයෙන් මට ඒක සත්‍යයයි කියන්නත් බෑ, ඒක අසත්‍යයයි කියන්නත් බෑ. ඒකට හේතුව තමයි පක්ෂයක් හැටියට අපි තවම මීළඟ ජනාධිපතිවරණයේ අපේක්ෂකයා කවුද කියන එක තීන්දුවක් අරන් නෑ. එය මේ රටේ ඉදිරි අනාගතය ගොඩනඟන්න පුළුවන් ශක්තියක් ඇති, මේ රට ඉදිරියට ගෙනියන්න පුළුවන් හැකියාවක් ඇති දක්ෂ නායකයෙක් අපි ඉදිරිපත් කරනවා. ඒක පක්ෂය තීන්දු කරපු දවසට අපි ඔබට දැනුම් දෙන්නම්. එතකල් ඔය කාරණය සම්බන්ධයෙන් මට කියන්න තියෙන්නෙ පක්ෂය තවම තීන්දු කර නැත කියලා”
ප්‍රශ්නය – ධම්මික පෙරේරා මහත්මයා වෙන්න පුළුවන් කියන එක නේද ඔබතුමා කියන්නෙ ?
“අපි ඉතා පැහැදිලිව කියන්නෙ අපට අපේක්ෂයෝ තුන්දෙනෙක්, එහෙම නැත්නම් හතර දෙනෙක් අපි මේ අවස්ථාවේ සලකා බලමින් ඉන්නවා. ධම්මික පෙරේරා මහත්මයාත් අනිවාර්යයෙන් ඒ අපේක්ෂකයින් අතරින් එක් අයෙක්. එතකොට අපි ඊළඟ ජනාධිපතිවරණය ආසන්නයේ නිසි වේලාවේදී, සුදුසුම, ජයග්‍රහණය කරන්න පුළුවන්, හොඳම අපේක්ෂයා තමයි අපි ඉදිරිපත් කරන්නෙ”
සාගර කාරියවසම් මහතා මේ බව පැවසුවේ ඊයේ (20) ශ්‍රී ලංකා පොදුජන පෙරමුණු පක්ෂ මූලස්ථානයේ පැවති මාධ්‍ය හමුවකදී ය.
RN
