ශ්‍රී ලංකාව යනු හොරකමින්, වංචාවෙන් සහ දූෂණයෙන් පිරුණු පාලනයක් සහිත රටක් බවත්, මෙය දැන් ශ්‍රී ලංකාවේ සන්නාමය (බ්‍රෑන්ඩ් එක) බවට පත්ව ඇති බවත් ජනතා විමුක්ති පෙරමුණේ දේශපාලන මණ්ඩල සභික කේ.ඩී. ලාල්කාන්ත මහතා පවසයි.
ඒ මහතා මේ බව පැවසුවේ, ජාතික ජන බලවේගය මඟින් සංවිධානය කළ කුණ්ඩසාලේ දිගන රජවැල්ල කොට්ඨාශ සභාව පිහිටුවීමේ ජන හමුව අමතමිනි.
“වංචාව , දූෂණය දැන් අපේ රටේ බ්‍රෑන්ඩ් එක වෙලා. මෙතෙක් රට කාපු එවුන් පැත්තකින් තියලා හරි තමන්ගේ හරිහමන් පාලනයක් හදාගන්න ජනතාවට අවස්ථාව දෙන්න. අද වෙනකොට මුළු රටම කඩාගෙන වැටිලා. ලංකාව කියන්නේ හොරකමින් වංචාවෙන් දූෂණයෙන් පිරුණු පාලනයක් සහිත රටක් . දැන් මේක තමා රටේ බ්‍රෑන්ඩ් එක . ලෝකෙ දුප්පත් රටවල් අතර දෙවනියට අපේ රට ලංකාව. බදු ප්‍රතිපත්ති විටින් විට එහාට මෙහාට වන දේශපාලන අස්ථාවරයයන්, ආයජකයන් සියල්ල පිළිබඳ ඇත්තේ කණගාටුවක්”
ලෙස ඔහු පවසයි.
රෂිකා හෙන්නායක
