රෂිකා හෙන්නායක දෙසැම්බර් 24, කොළඹ LNW:
නාවික හමුදා භාරයට ගත් බහුදින ධීවර යාත්රාව දික්ඕවිට ධීවර වරාය වෙත රැගෙන විත් ඇති අතර, එහි තිබී හෙරොයින් කිලෝග්රෑම් 21කට අධික ප්රමාණයක් සහ අයිස් කිලෝග්රෑම් 172ක් සොයාගෙන තිබේ.
ආරක්ෂක නියෝජ්ය අමාත්ය අරුණ ජයසේකර මහතා පවසන්නේ, මෙම මත්ද්රව්ය තොගයේ වටිනාකම රු කෝටි 200කට ආසන්න බවයි. ගන්දර ප්රදේශයෙන් පසුගිය 09වනදා ධීවරයින් 05 දෙනෙකු සමග මුහුදු ගිය අදාළ ධීවර යාත්රාව මත්ද්රව්ය ප්රවාහනය කරමින් සිටිය දී ඊයේ (23) දිනයේ නාවික හමුදා භාරයට ගෙන තිබුණි. අද උදෑසන 6ට පමණ දික්ඕවිට ධීවර වරාය වෙත රැගෙන ආ අදාළ ධීවර යාත්රාවේ අයිස් හා හෙරොයින් මත්ද්රව්ය සහිත මලු 11ක් සොයාගෙන තිබු බව සඳහන්ය.
