කොළඹ LNW:දේශපාලන බලය භාවිතා කරමින් ජනාධිපති අරමුදලේ මුදල් අවභාවිතා කිරීම සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශනයක් අරඹා ඇති බව වාර්තා වෙයි.
“මහජන දේපල ආරක්ෂා කිරීමේ නීතීඥයෝ” නමැති සංවිධානය විසින් පොලිස් මූලස්ථානයට ඉදිරිපත් කරන ලද පැමිණිල්ලකට අනුව එම විමර්ශනය අරඹා ඇති බව සඳහන්. .
එම පැමිණිල්ල සම්බන්ධයෙන් විමර්ශනයක් ආරම්භ කරන ලෙස වැඩබලන පොලිස්පති ප්‍රියන්ත වීරසුරිය මහතා අපරාධ පරීක්ෂණ දෙපාර්තමේන්තුවට උපදෙස් දී ඇති බවයි කියවුණේ.
හිටපු රජයන්හි මැති ඇමතිවරු 30කට අධික ප්‍රමාණයක් ජනාධිපති අරමුදලෙන් මුදල් ලබාගෙන ඇති බවට තොරතුරු අනාවරණය වී තිබෙන අතර ඇතැම් පාර්ශව පවසා තිබුණේ එම අරමුදල් නීත්‍යානුකූලව ලබාගත් බවයි.
කෙසේවෙතත් එම අරමුදලින් ප්‍රතිලාභ ලැබෙන්නේ අඩු අදායම් ලාභීන් වෙතය.
ආශිකා බ්‍රාහ්මණ
