කොළඹ LNW:එළඹෙන ජනවාරියේ සිට ඔන්ලයින් සේෆ්ටි පනත බලාත්මක කිරීමට රජය තීරණය කර ඇතැයි වාර්තා වෙයි.
එම පනත් කෙටුම්පත පාර්ලිමේන්තුවට ඉදිරිපත් වූ අවස්ථාවේ, විපක්ෂය, සිවිල් සංවිධාන සහ මාධ්‍ය සංවිධාන ඇතුළු පාර්ශ්ව රැසක්, ශ්‍රේෂ්ඨාධිකරණය හමුවේ එය අභියෝගයට ලක් කළ අතර ශ්‍රේෂ්ඨාධිකරණය ඊට අවසර දුන්නේ සංශෝධනයන්ට යටත්වය.
ඒ අනුව මාස තුනක උපදේශන ක්‍රියාවලියක් පැවැත්විය යුතු බවට සිවිල් සංවිධාන විසින් කරන ලද ඉල්ලීමද නොතකා හරිමින් එය බලත්මක කිරීමටයි රජය සූදානම් වන්නේ.
යෝජිත ඔන්ලයින් සේෆ්ටි පනත භාෂණයේ සහ ප්‍රකාශනයේ නිදහසට එල්ල වන මරු පහක් බව විපක්ෂයේත් සිවිල් සංවිධානවලත් මාධ්‍ය සංවිධානවලත් පොදු පිළි ගැනීම වූ අතර මෙම පනත බලාත්මක වුවහොත් ගූගල් සහ මෙටා වැනි සමාගම් ලංකාව අතහැර යාමේ අවදානමක් ඇති බවද ඔවුන් පෙන්වා දෙන ලදී.
එම සියළු කරුණු සලකා බලා පනතපාර්ලිමේන්තුව තුළ විවාදයට ගැනීමට පෙර උපදේශන ක්‍රියාවලියක් සදහා මාස තුනක කාලයක් ලබා දෙන පාර්ශ්ව රැසක් රජයෙන් ඉල්ලා සිටින ලදී.
එම සියළු ඉල්ලීම් නොතකා හරිමින් ජනවාරි 23 වන දා යින් ඇරඹෙන පාර්ලිමේන්තු සතිය තුළ පනත විවාදයට ගෙන සම්මත කර ගැනීමට රජය සූදානම් බවයි වාර්තා වුණේ.
ASK
