කොළඹ LNW: ඉදිරි ජනාධිපතිවරණයේදී තමන් පොදු අපේක්ෂකයෙක් ලෙස ඉදිරිපත් වීමට සූදානම් බව පාර්ලිමේන්තු මන්ත්‍රී දයාසිරි ජයසේකර මහතා පැවසුවේය.
ඒ අද (27) කොළඹදී පැවති මාධ්‍ය හමුවකදීය.
මන්ත්‍රීවරයා පැවසුවේ මේ වන විට වාමාංශික පක්ෂවලට අපේක්ෂකයෙක් නොමැති අතර ඔවුන් අතරමං වූ තත්ත්වයක පවතින බවයි.
ශ්‍රී ලංකා නිදහස් පක්ෂය, සම සමාජ පක්ෂය, ශ්‍රී ලංකා පොදුජන පෙරමුණේ කොටසක් යනදී කණ්ඩායම වෙත ජනාධිපති අපේක්ෂකත්වයක් නොමැති තත්ත්වයක් ඇති බවයි ජයසේකර මහතා සඳහන් කළේ.
ඒ අනුව මෙම කණ්ඩායම්වල කැමැත්තෙන් එකඟතාවෙන් තමන් ඉදිරි ජනාධිපතිවරණයේ පොදු අපේක්ෂකයා වීමට සූදානම් බව ඔහු ප්‍රකාශ කළේය.
මේ වනවිට රට කරන්නේ 50 දශකයේ අය වන බවත් ඔවුන්ට වත්මන් තරුණ සිතුම් පැතුම් ගැන හැඟීමක් නොමැති බවද හෙතෙම සඳහන් කරන ලදී.
ASK
