කොළඹ LNW:දූෂිත රාජ්‍ය නිලධාරීන්ට අමාත්‍ය කේ.ඩී.ලාල් කාන්තා මහතා විසින් අනතුරු ඇඟවීමක් සිදුකර තිබේ.
ඉඩම් හා වාරිමාර්ග අමාත්‍යාංශයට මහජන දිනයක් වෙන්කර තිබුණු අතර එහිදී මහජනතාවගෙන් රාජ්‍ය නිලධාරීන්ට දැඩි දෝෂාරෝපණයක් එල්ල වුණු බවයි අමාත්‍යවරයා සඳහන් කර ඇත්තේ.
රාජ්‍ය සේවකයින් අල්ලස් ගනිමින් වැඩකරන ආකාරය ගැන මහජනතාව තමන්වෙත පැවසූ බවයි අමාත්‍යවරයා කියා සිටියේ.
එවැනි ලැයිස්තුවක් තමන් සතුව ඇති බවද ලාල් කාන්ත මහතා පවසා ඇත.
ජනතා සුනාමියෙන් නරක දේශපාලනය ගහගෙන ගිය අතර ඊළඟ සුනාමිය පැමිණෙන්නේ රාජ්‍ය සේවකයින් වෙත බවද අමාත්‍යවරයා කියාසිටියි.
ආශිකා බ්‍රාහ්මණ
