නොරොච්චෝලේ විදුලි බලාගාරයට ගල් අඟුරු සැපයීම සඳහා වන ටෙන්ඩරය Arista Mitra නමැති ඉන්දුනීසියානු සමාගමට ලබාදී ඇති බව ලංකා ගල් අඟුරු සමාගමේ සභාපති ෂෙහාන් සුමනසේකර මහතා පවසයි.
අවම ලංසුකරු වශයෙන් එම සමාගමට මෙම ටෙන්ඩරය ලබාදී ඇති බවත් ඒ මහතා සඳහන් කළේය.
මෙම ගල් අඟුරු ඇනවුම් ලැබෙන්නේ ණය කාලසීමාවක් ද සහිතව බව පැවසූ ඒ මහතා ලබන පෙබරවාරි මාසයේ සිට වරකට මෙට්රික් ටොන් 60000 බැගින් අවස්ථා 12කදී පුත්තලම වරායට එම ගල් අඟුරු මෙට්රික් ටොන් 720000 ලැබීමට නියමිත බවත් ප්රකාශ කළේය.
පසුගිය සැප්තැම්බර් මාසයේ සිට අවස්ථා තුනකදී ගල් අඟුරු ටෙන්ඩර් කැඳවන ලද නමුත් විවිධ හේතූන් මත එම ටෙන්ඩර් තුනම අවලංගු කිරීමට කටයුතු කර තිබිණි.
RN
