රුසියානු කෝටිපති 65 හැවිරිදි පාවෙල් ඇන්ටොව්ගේ මිය ගිය සිරුර ඔඩිෂා ප්රාන්තයේ දකුණු දිස්ත්රික්කයේ සුඛෝපභෝගී රයාගඩා හෝටලයක තටාකයක තිබී ඉන්දීය පොලීසිය විසින් සොයා ගැනීමත් සමඟ, ඒ පිළිබඳ ඉන්දීය පොලීසිය විමර්ශන කටයුතු අරඹා තිබේ.
මේ වන විට පොලීසිය විසින් ආරක්ෂක කැමරා පද්ධතීන් පරික්ෂා කරමින්, හෝටල් කාර්ය මණ්ඩලයෙන් ප්රශ්න කරමින්, සිය විමර්ශන කටයුතු කරන බව මාධ්ය නිවේදනයක් ඉදිරිපත් කරමින් තිබේ.
ඇන්ටොව් 2018 සිට ප්රාදේශීය පාර්ලිමේන්තුවේ සාමාජිකයෙකු වූ අතර, ජනාධිපති ව්ලැඩිමීර් පුටින්ගේ එක්සත් රුසියානු පක්ෂය නියෝජනය කළේය. ඔහු දේශපාලඥයෙකුට අමතරව කෝටිපති ව්යාපාරිකයෙකු ද විය.
දේශපාලනයට පිවිසීමට පෙර ඔහු Vladimirsky Standart සමාගම ආරම්භ කළේය. 2019 දී, Forbes සඟරාවේ රුසියානු සංස්කරණය මගින් ඔහු රටේ සියලුම පාර්ලිමේන්තු මන්ත්රීවරුන් සහ ජ්යෙෂ්ඨ නිලධාරීන් අතරින් ධනවත්ම පුද්ගලයා ලෙස ශ්රේණිගත කරන ලදී. ඔහු යුක්රේනයේ රුසියාවේ “විශේෂ මිලිටරි මෙහෙයුමට” සහාය දෙන ලදි.
ඔහුගේ මරණය සම්බන්ධයෙන් රුසියාවේදී ව්ලැඩිමීර් ව්යවස්ථාදායක සභාවේ නියෝජ්ය ප්රධානී වියචෙස්ලාව් කාර්තුකින් විසින් ටෙලිග්රාම් හි සඳහන් කර තිබුණේ අපගේ සගයා, සාර්ථක ව්යවසායකයෙකු සහ දානපතියෙකු වූ Pavel Genrihovich Antov අභාවප්රාප්ත වූ බවත්, ඒ සම්බන්ධයෙන් එක්සත් රුසියානු කන්ඩායමේ නියෝජිතයින් වෙනුවෙන්, මම පවුලේ අයට සහ මිතුරන්ට මගේ බලවත් ශෝකය ප්රකාශ කරන බවත්ය.
පාවෙල් ඇන්ටොව් තවත් රුසියානු ජාතිකයන් තිදෙනෙකු සමඟ නිවාඩුවක් ගත කිරීමට ඉන්දියාවට පැමිණ ඇති අතර ඉන් ව්ලැඩිමීර් බිඩෙනොව් ඔඩීෂා හි දකුණු දිස්ත්රික්කයේ රයාගඩා හි එම හෝටලයේදීම හෘදයාබාධයකට ලක්ව සිහිසුන්ව සිටියදී දින දෙකකට පසු සොයාගෙන තිබේ. එමෙන්ම අනෙක් සගයා වන බිඩෙනොව් ද අධක ලෙස මත්පැන් පානය කිරීම හා මත්ද්රව්ය භාවිතය හේතුවෙන් මියගොස් සිටියදී සොයාගෙන තිබේ. මෙම මරණයන් සම්බන්ධයෙන් හැකි සෑම කොණයකින්ම සත්ය හෙළි කිරීමට උත්සහ කරන බව ප්රාදේශීය පොලිස් ප්රධානී රාජේෂ් පණ්ඩිත් AFP ප්රවෘත්ති ඒජන්සියට වාර්තා කර තිබිණ.
