කොළඹ LNW: ඩෙංගු වසංගත තත්ත්වයක් පවතින ලොව ඉහළම රටවල් 30 අතරට ශ්‍රී ලංකාව ද ඇතුලත් ව සිටියි.
ඩෙංගු රෝග ව්‍යාප්තිය සම්බන්ධයෙන් ලෝක සෞඛ්‍ය සංවිධානය විසින් නිකුත් කර ඇති නවතම නිවේදනයකයි එය දැක්වෙන්නේ.
ලෝක සෞඛ්‍ය සංවිධානයට අනුව ලොව ඉහළම ඩෙංගු වසංගත තත්ත්වයක් පවතින රටවල් 30 අතරට ශ්‍රී ලංකාවට අමතරව ඉන්දියාව, ඉන්දුනීසියාව, මියන්මාරය හා තායිලන්තය යන ආසියාතික රටවල් අයත්.
2000 සිට 2019 දක්වා ගත වූ වසර 19ක කාලය තුළ ලොව පුරා රටවලින් වාර්තා වූ ඩෙංගු රෝගීන්ගේ සංඛ්‍යාව පන්ලක්ෂයේ සිට මිලියන 5.2 ක් දක්වා දස ගුණයක වැඩි වීමක් පෙන්නුම් කරන බවයි ඔවුන් පවසන්නේ.
ඒ අනුව 2019 වසර වන විට ලොව පුරා රටවල් 129 ක ඩෙංගු රෝගය පැතිර ගොස් තිබූ බව ලෝක සෞඛ්‍ය සංවිධානය පෙන්වාදෙයි.
ASK
