නදීකා සහ චතුරිකා මධ්‍යම ආසියාවම දිනයි

Date:

බංගලාදෙශයේ කොස් බෂාර් හී ක්‍රියාත්මක වුණ මධ්‍යම ආසියානු වෙරළ වොලිබෝල් තරගාවලියේ කාන්තා සූරතාවය දිනා ගන්නට නදීකා බණ්ඩාර සහ චතුරිකා මධුශානි සමත් වුණා.ඔවුන් විසින් මේ ජයග්‍රහණය සඳහා යාමේදී කිසිඳු තරග වටයක් ජය ගන්නට ප්‍රතිවාදීන්ට අවස්ථාව නොදෙමින් තරග කිරීම කැපී පෙණුනා.ජාතික වෙරළ වොලිබෝලයේ ශ්‍රී ලංකාව නියෝජනය කරන ප්‍රධාන කණ්ඩායම ලෙස නදීකා ව සහ චතුරිකාව ගෙන ඒමේදි විශාල අභියෝග එල්ල වුවත් ඔවුන් දෙදෙනා ගේ තේරීම වඩාත් නිවැරදි බව මේ තරගයේදි ප්‍රතිවාදීන්ට එල්ල කළ අභියෝගයෙන් පැහැදිළි වුණා.
සත්කාරක බංගලාදේශය පළමුවරට මුණ ගැසීමෙදී පරාජයට පත් කරන්නට සමත් වූ නදීකා සහ චතුරිකා ඉනික්බිතිව හමු වූ උස්බෙකිස්තාන ක්‍රීඩිකාවන් යුගලය වූ සැටිවොල්දිවා සහ ජමොලෝවා ද ලකුණු 21 – 8 ක් සහ ලකුණු 21 – 9 ක් ලෙස පහසුවෙන් පරාජයට පත් කරා.ඔවුන් දෙදෙනාට මෙම ජයග්‍රහණය සඳහා වැය වුණේ විනාඩි 44 ක ට ආසන්න කාලයක් පමණයි.
අනතුරුව සූරතාවය තීරණය වන තරගයේ ඔවුන්ගේ ප්‍රතිවාදීන් වූයේ නේපාල කණ්ඩායමයි.උපරෙටී සහ පුන් එම කණ්ඩායම නියෝජය කළ අතර එම තරගය වට 2-0 ක සේ ජය ගැනීමට නදීකාට සහ චතුරිකාට ගත් වුණේ විනාඩි 41 ක කාලයක් පමණයි.එහිදී ලකුණු සටහන තරගය අවසානයේ දැක්වුණේ ලකුණු 21 – 11 සහ 21 – 11 ලෙසයි.
තරගාවලිය සමාජ මෘදය ඔස්සේ විකාශනය කිරීමේදී බංගලාදේශය තමන්ගේ සංචාරක කර්මාන්තය හා බැදුණු ප්‍රධානම වෙරළ තීරය වන ගිණිකොන දිග වෙරළ තීරය වන කොස් බෂාර් හී වෙරළේ විනෝදාංග වෙත විශාල අවධානයක් යොමු කරවන්නට සමත් වුණා.තරගයෙ ඉසිඹුලන හැම තත්පරයම ඔවුන් කැමරාව වෙරළ තීරයේ ක්‍රියාකාරකම් වෙත රැඳ වූ අතර සමහර අවස්ථාවල කරගයේ උද්වේගකර බවටත් වඩා ඒ ගැන අවධානය යොමු කළ අවස්ථාද තිබුණා.කෙසේ හෝ ලංකාවේ මෙවැනි තරගාවලියක් පැවත් වූවානම් එම වෙරළ මල වෙරළක් කර ප්‍රභූ ආරක්ෂාව වෙනුවෙන් සියළු ක්‍රියාකාරකම් නවතන්නට තිබුණා යැයි සිතෙන විට ඔවුන් එම අවස්ථාවේ ක්‍රියා කළ ආකාරය රටක් හැටියට අපට පාඩම් සැපයීමක් වුණා.
එසේම ඔවුන් සිය රටේ නිෂ්පාදන කේෂ්ත්‍රයේ නව්‍යතා මතු කරන අකාරයෙන් අනුග්‍රහ දැන්වීම් පවා යොදාගෙන තිබීමත් කැපී පෙණුනා.වෙරළ කාන්තා වොලිබෝල් කණ්ඩායම මෙන්ම රටක් හැටියට ජයග්‍රහණය කිරීමට නම් ලෝකයට මෙවැනි ජාත්‍යන්තර ක්‍රීඩා උළෙලක තමන්ගේ වානිජමය මර්මස්ථාන ප්‍රදර්ශනය කරන ආකාරයද රටේ පාලකයන්ට පාඩමක් වේ නම් අපූරුයි.වේගයෙන් ශ්‍රී ලංකාව පසු කර දියුණුව කරා ඇඳුණු බංගලාදේශය ජාත්‍යන්තර ඉසව්වකදී හැසිරෙන ආකාරය දැක ගැනීම පාළකයන්ට පමණක් නොවේ පුරවැසියන්ට ද වැදගත්ය.


Share post:

spot_imgspot_img

Popular

More like this
Related

ඉටුනොවූ යුක්තියේ පසුවිපරම – නිමලරාජන් ඝාතනයේ නඩු වාර්තාව එළිදක්වයි! (PHOTOS)

කොළඹ LNW: ඝාතනයට ලක්වූ මාධ්‍යවේදී නිමලරාජන් මෛල්වාගනම්ගේ නඩු විභාගයේ...

Celebrity Buzz: තරු පිරුණු රැයක උන්මාදය සමඟින් MTV VMA!

සටහන – පුලී සැප්තැම්බර් 08, කොළඹ (LNW): මෙම වසරේ පැවැති විශාලතම...

ආන්දෝලනාත්මක මිද්දෙණිය ඉඩමෙන් අදත් මතු වූ පොලිස් උපකරණ!

රෂිකා හෙන්නායක සැප්තැම්බර් 08 ,කොළඹ LNW : මිද්දෙණිය පොලිස් ස්ථානයේ...

අගවිනිසුරුවරයා ගමන් ගත් රථ වාහන පෙළ වීඩියෝ කරලා: සැකකරු ලබන 10 වනදා දක්වා රක්ෂිත බන්ධනාගාරට

රෂිකා හෙන්නායක සැප්තැම්බර් 08 ,කොළඹ LNW : අගවිනිසුරුවරයා ගමන් ගත්...