සටහන – රෂිකා හෙන්නායක
කොළඹ (LNW): මොණරාගල දිස්ත්‍රික්කයට ඇද හැලෙන ධාරානිපාත වර්ෂාපතනය සමග ජල මට්ටම ශීඝ්‍රයෙන් ඉහළ යාම නිසා බුත්තල වෙහෙරගල ජලාශයේ වාන් දොරටු විවෘත කර ඇති බව වාර්තා වේ.
වාන් දොරටු හයම විවෘත කර ඇති අතර, ඉන් වාන් දොරටු දෙකක් අගල් හය බැගින් සහ තවත් වාන් දොරටු හතරක් අගල් තුන බැගින් විවෘත කර ඇති බව සඳහන් වේ.
මොණරාගල දිස්ත්‍රික් ආපදා කළමනාකරණ ඒකකයේ සහකාර අධ්‍යක්ෂ රවීන්ද්‍ර කුමාර මහතා දැනුම් දෙන්නේ, මෙම වාන් දොරටු විවෘත කිරීමත් සමග මැණික් ගගේ ජල මට්ටම ශීඝ්‍රයෙන් ඉහල යන අතර ඒ නිසා මැණික් ගග දෙපස ජනතාව සහ සෙල්ල කතරගම කතරගම පූජා භූමිය වෙත පැමිණෙන ජනතාවට අවධානයෙන් පසුවන ලෙසයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
