Sunday, December 4, 2022
spot_img

Latest Posts

අසභ්‍ය ප්‍රකාශන තහනම් කිරීමේ පනත ගැසට් වුණේ වැරදීමකින් – ඇමති අලි සබ්‍රි

අසභ්‍ය ප්‍රකාශන තහනම් කිරීමේ පනත් කෙටුම්පත ගැසට් පත්‍රයක් මගින් ප්‍රකාශට පත්වුණේ වැරදීමක් නිසා බවත් ඒ අනුව එම ගැසට් පත්‍රය ඉතාම නිහතමානීව ඉවත් කරගන්නා බවත් අධිකරණ අමාත්‍ය මොහොමඩ් අලි සබ්‍රි මහතා පවසයි.

“අපි අසභ්‍ය සහ අශ්ශීල ප්‍රකාශන කියන නීතියක් සම්බන්ධයෙන් කටයුතු කරගෙන යනවා. ඒක දැන් වැරදීමකින් ගැසව් වෙලා තිබුණා. ඒ නීතියේ සමහර තැන් ඉතාමත්ම බරපතළයි. ලබාදීලා තියෙන දඬුවම් ඉතාමත්ම වැඩියි. ඒ හැරුණාම සමහර නිර්මාපකයින්ගේ සහ නිර්මාණකරුවන්ගේ අයිතිවාසිකම් උල්ලංඝනය වෙන්න පුළුවන්.

ඒ සම්බන්ධයෙන් අපට සිවිල් සංවිධාන සහ නීතීඥවරුන් සහ විවිධ දේශපාලනඥයින් මට කරුණු කිව්වා. අපි ඉතාමත්ම නිහතමානීව ඒවා පිළිගත්තා. ඒක යන්න හොඳ නෑ කියන එක. ඒ අනුව අපි ඒ ගැසට් පත්‍රය ඉවත් කරගෙන – අපේ ලේකම්තුමා මාධ්‍ය නිවේදනයකුත් නිකුත් කළා – සිවිල් සමාජයකට ඇහුම්කන් දීලා රටට ගැලපෙන නීතියක් ඉදිරිපත් කරන්නට බලාපොරොත්තු වෙනවා. ඒ අනුව ඒ සියල්ල ජනතාවගේ සහයෝගය ඇතිව කරන්නට බලාපොරොත්තු වෙනවා”

අමාත්‍ය අලි සබ්‍රි මහතා මේ බව පැවසුවේ ඊයේ (29) ගම්පහ ප්‍රදේශයේ පැවති උත්සවයක් අමතමිනි.

RN

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.