මෙරට නිල සංචිත වත්කම් ප්රමාණය 2024 පෙබරවාරි මාසය තුළ දී එක්සත් ජනපද ඩොලර් මිලියන 4,517 ක් දක්වා වර්ධනය වී ඇති බව ශ්රී ලංකා මහ බැංකුව පවසයි. මෙය 2024 ජනවාරි මාසය අවසානයේ දී පැවති ඩොලර් මිලියන 4,496 ක සංචිත වටිනාකමට සාපේක්ෂව 0.5% ක ඉහළ යාමකි.
නිල සංචිත වත්කම් තුළ අන්තර්ගත ප්රධාන සංරචකය වන විදේශ විනිමය සංචිතය පසුගිය පෙබරවාරි මාසය තුළ දී එක්සත් ජනපද ඩොලර් මිලියන 4,480 ක් ලෙසින් සටහන්ව ඇත. මෙය 2024 ජනවාරි මාසයේ විදේශ විනිමය සංචිත වටිනාකම වූ ඩොලර් මිලියන 4,426 හා සංසන්දනය කිරීමේදී 1.2% ක වැඩි වීමක් වේ.
මෙම නිල සංචිත වත්කම් තුළ ගනුදෙනු සඳහා භාවිතා කළ නොහැකි, චීන මහජන බැංකුවෙන් ලබාගත් ඩොලර් බිලියන 1.4ක අගයකට සමාන විනිමය හුවමාරු පහසුකම ද අන්තර්ගත වේ.
RN
