හොංකොං නගරයේ මතුව ඇති ඉහළ ගිය කොවිඩ් අවදානමක් මැද චීනයේ ෂෙන්සෙන් නගරය අගුළු දමා ඇති බව වාර්තා වේ.
මිලියන 17.5 ක පමණ ජනතාවක් ජීවත් වන චීන ෂෙන්සෙන් නගරය හොංකොං නගරයට ආසන්නයේ පිහිටා තිබීම නිසායි මෙම පියවර ගෙන තිබෙන්නේ.
මතුව ඇති තත්ත්වය මත, ෂෙන්සෙන් නගරයේ ව්යාපාර කලාපයේ සෑම වෘත්තිකයකුම කොවිඩ් පරීක්ෂා වට තුනකට යටත් කිරීමට කටයුතු යොදා ඇති බව ද වාර්තා වේ.
එමෙන්ම, අත්යාවශ්ය ආහාර සපයන වෙළඳසල් හැරුණු විට සියළු ව්යාපාර ස්ථාන වසා දමා නිවසේ සිට වැඩ කිරීමට උපදෙස් ලබා දී තිබේ.
හොංකොං නගරයේ මතුව ඇති මෙම කොවිඩ් අවදානම මත තිස් දෙදහසකට ඉහළ ආසාදිතයන් සංඛ්යාවක් එක් දිනක් තුළ වාර්තා වී තිබේ.
මේ අතර, ෂෙන්සෙන් නගරයේ ප්රවාහන සේවා ද සීමා කර ඇති බව සඳහන්. බස්රථ සේවා භාවිතා කරන සෑම දෙනෙකු සතුවම කොවිඩ් ආසාදිත නොමැති බවට තහවුරු කළ වාර්තා අතැති විය යුතුය.
