සටහන – නිශ්මං රණසිංහ
මාර්තු 16, කොළඹ (LNW): මධ්‍යම ආසියානු වොලිබෝල් සම්මේලනය මෙහෙයවන අවුරුදු 20න් පහළ බාලිකා වොලිබෝල් තරඟාවලිය සඳහා ශ්‍රී ලංකා කණ්ඩායමක් සහභාගී සහභාගි කරවීමට ශ්‍රී ලංකා වොලිබෝල් සම්මේලනය කටයුතු සූදානම් කර ඇත. 2005 ජනවාරි 01 දින හෝ දිනෙන් පසු උපන් ක්‍රීඩිකාවන්ට මේ කණ්ඩායම සමඟ එක්වීමට හැකියාව ඇති අතර එු සඳහා ඉදිරිපත්වීමට කැමති ක්‍රීඩිකාවන්ට මෙම සංචිතයෙහි මූලික තේරීම් පරීක්ෂණය සඳහා 2024 මාර්තු 21 දින පෙ.ව. 08.30 ට ක්‍රීඩා සංවර්ධන දෙපාර්තමේන්තුව හි ටොරින්ටන් ගෘහස්ථ ක්‍රීඩාංගනයට වාර්තා කරන මෙන් ශ්‍රී ලංකා වොලිබෝල් සම්මේලනය ඉල්ලා සිටියි.
මාර්තු 21 දින පෙරවරු 9.00 සිට ක්‍රියාත්මක වන තේරීම් පරීක්ෂණයෙන් සමත් ක්‍රීඩිකාවන් 2024 මාර්තු 22 දින තේරීම් පරීක්ෂණය සඳහා සුදුසුකම් ලබන අතර මේ සම්බන්ධයෙන් වැඩි දුර තොරතුරු ලබා ගැනීම සඳහා ශ්‍රී ලංකා වොලිබෝල් සම්මේලනයේ 0112669344 දුරකතන අංක විවාතව තිබෙන බව ශ්‍රී ලංකා වොලිබෝල් සම්මේලනය දන්වා සිටිනවා.
