සටහන – නිශ්මං රණසිංහ
මාර්තු 24, කොළඹ (LNW): එක් දින තරග තුනක් සහ විස්සයි විස්ස තරග තුනක් සඳහා සහභාගි වීමට ශ්රී ලංකා කාන්තා ක්රිකට් කණ්ඩායම දකුණු අප්රිකාවට පිටත්ව ගියා. සුපුරුදු පරිදි චමරි අතපත්තුගේ නායකත්වයෙන් යුත් ශ්රී ලංකා කාන්තා ක්රිකට් කණ්ඩායමට සාමාජිකාවන් දාහක් දෙනෙකු ඇතුළත් වුණා.
මෙම සංචාරය සිදුවෙන මොහොතේදී අවුරුදු දහනමෙන් පහළ ශ්රී ලංකා කාන්තා කණ්ඩායමද ශ්රී ලංකාවේ එංගලන්තය සහ ඕස්ට්රේලියාවේ නියෝජනය කරමින් පැමිණෙන අවුරුදු 19 න් පහළ කාන්තා කණ්ඩායම් දෙකට මුහුණ දීමට සූදානමින් සිටිනවා. එම තරගාවලිය නියෝජනය කිරීම සඳහා එංගලන්ත අවුරුදු 19 න් පහළ කාන්තා කණ්ඩායම මේ වන විටත් ශ්රී ලංකාවට පැමිණ සිටිනවා.
අවුරුදු දහනමෙන් පහළ ක්රීඩිකාවන්ත පසුගිය කාලයේ ජාත්යන්තර වශයෙන් තමන්ට ලැබුණු අවස්ථාවලදී ඉහළ දස්කම් පෙන්නුවද,ජාතික කාන්තා කණ්ඩායමේ දකුණු අප්රිකානු සංචාරයට එකතු වන්නේ දහනමෙන් පහළ එක් ක්රිඩිකාවක් පමණයි. ඇය කාලයක සිට ශ්රී ලංකා කණ්ඩායමේ ආරම්භක පිතිකාරිණියක හැටියට කටයුතු කරන විශ්මී ගුණරත්නයි. යොවුන් ක්රීඩකාවන් පිළිබඳව ජාතික කණ්ඩායම මේ මොහොතේ අවධානය යොමු නොකළත්,ඔස්ට්රේලියානු සහ එංගලන්ත 19න් පහළ කණ්ඩායම් වලට එරෙහිව පවත්වන තරගාවලියේදී, එසේ අවධානය යොමු නොකර සිටීමට බැරිවන අන්දමේ දස්කම් දක්වනු ඇතැයි විශ්වාස කළ හැකියි.
