මහ බැංකු අධිපති අජිත් නිවාඩ් කබ්රාල් මහතා එම ධූරයෙන් ඉවත් කිරීමේ සූදානමක් පවතින බවට ඉංග්‍රීසි පුවත් පතක පළව තිබෙන ප්‍රවෘත්තියේ කිසිදු සත්‍යතාවක් නොමැති බව මහ බැංකු අධිපතිවරයා ලංකා නිවුස් බෙබ් කළ විමසීමකට පිළිතුරු දෙමින් අවධාරණය කළේය.
අජිත් නිවාඩ් කබ්රාල් මහතා පවසන්නේ එම ප්‍රවෘත්තියේ කිසිදු සත්‍යතාවක් නොමැති අතර තමන් හා මුදල් අමාත්‍යවරයා අතර යම් මතභේදාත්මක තත්ත්වයක පවතින බවට සිදුකරන ප්‍රචාර පදනම් විරහිත බවයි.
මේ වන විටත් ආර්ථික වර්ධනය නැංවීම වෙනුවෙන් කාර්යක්ෂම වැඩපිළිවෙලක් සඳහා මහ බැංකුව මාර්ගෝපදේශ සපයමින් සිටින බවයි ඔහු පෙන්වාදෙන්නේ.
මේ අතර මහ බැංකු අධිපතිවරයාව එම ධූරයෙන් ඉවත් කිරීමේ සූදානමක් පවතින බවට වන පුවතේ කිසිදු සත්‍යතාවක් නොමැති බවට ජනාධිපති ලේකම් ගාමිණී සෙනරත් මහතා ද ලංකා නිවුස් වෙබ් වෙත තහවුරු කරන ලදී.