කොළඹ LNW: කිතුණුවන් විසින් මහත් භක්තියෙන් සමරන මහ සිකුරාදා දිනය තවත් අර්ථවත් කරමින් ගාසාහි පලස්තීන වැසියන්ගේ නිදහස් පතා අද (29) නිහඬ විරෝධතාවක් කොළඹ බෞද්ධලෝක මාවතේ බ්රිතාන්ය තානාපති කාර්යාලය ඉදිරිපිට සංවිධානය කර තිබුණි.
කිතුසර කණ්ඩායම විසින් එය සංවිධානය කර තිබුණු අතර පලස්තීන ජනයා කුරුසපත් කෙරෙන ජන සංහාරයට විරුද්ධත්වය ප්රකාශ කරමිනුයි එය පැවැත්වුණේ.
මෙම සංහාරය අඛණ්ඩව පවත්වාගෙන යාම වෙනුවෙන් සහය දෙමින් සිටින ඇමරිකාව – බ්රිතාන්ය ප්රමුඛ බටහිර අධිරජවාදයට විරෝධය දැක්වීමද එහිදී සිදුකෙරුණි.
විරෝධතාවට එක්ව සිටි පිරිස පලස්තීන තානාපති කාර්යාලය වෙතද ගිය අතර එහිදී තානාපති කාර්යාල නිලධාරීන් විසින් ඔවුන්ව උණුසුම් ලෙස පිළිගැනුණු අතර යුද්ධයෙන් මියගිය අය සිහිපත් කිරීමක්ද සිදුකෙරුණි.
ජායාරූප – අජිත් සෙනෙවිරත්න
සියලුම ඡායාරූප නරඹන්න
