කොළඹ LNW:ජාතිවාදය විකුණා බලයට පැමිණි ගෝඨාභය රාජපක්ෂට දේව කර්මය පලදුන් බව සමඟි ජන බලවේගයේ පාර්ලිමේන්තු මන්ත්‍රී කබීර් හෂීම් මහතා පැවසුවේය.
ඒ,(24) පාර්ලිමේන්තුවේදී පාස්කු ප්‍රහාරය පිළිබඳ විවාදයට එක්වෙමිනි.
ගෝඨාභය රාජපක්ෂ හිටපු ජනාධිපතිවරයාගේ කුමන්ත්‍රණය පොතේ සඳහන් ඔහුව බලයෙන් පහ කිරීමට මුල්වූ බව කියන කරුණු සම්බන්ධයෙන් අවධානය යොමුකරමිනුයි කබීර් හෂීම් මහතා ඒ බව පැවසුවේ.
ඔහුව බලයෙන් පහකිරීමට මුස්ලිම්වරු කුමන්ත්‍රණය කළ බවට එම පොතේ සඳහන් කරුණු අසත්‍ය බවයි මන්ත්‍රීවරයා සඳහන් කළේ.
අරගලයේදී සියලු දෙනා එක්වූයේ රට වෙනුවෙන් බවද ඔහු ප්‍රකාශ කළේය.
බලය වෙනුවෙන් මේ රට ලේ විලක් කිරීම දැන් හෝ නවතා දැමිය යුතු වන අතර කුමන්ත්‍රණය පොතෙහි සඳහන් වැරදි කරුණු නිවැරදි විය යුතු බවයි කබීර් හෂීම් මහතා අවධාරණය කළේ.
පාස්කු ප්‍රහාරය සම්බන්ධයෙන්ද තවමත් විසඳුමක් ලැබී නැති අතර ඒ ගැන සැකයක් පවතින හෙයින් එය සුද්ද විය යුතු බවයි ඔහු වැඩිදුරටත් පැවසුවේ.
ආශිකා බ්‍රාහ්මණ
