ජනාධිපති රනිල් වික්‍රමසිංහ මහතා සහ ඉරාන ජනාධිපති ඊබ්‍රහීම් රයිසි මහතා අතර විශේෂ සාකච්ඡාවක් කොළඹ ජනාධිපති කාර්යාලයේදී ඊයේ (24) පැවැත්වී ඇති අතර ඉන් අනතුරුව දෙරටේ නියෝජිතයින් අතර ද්විපාර්ශ්වික සාකච්ඡා ද පැවති බව ජනාධිපති මාධ්‍ය අංශය පවසයි.
එම සාකච්ඡාවලින් අනතුරුව දෙරට අතර අවබෝධතා ගිවිසුම් පහකට අත්සන් තැබුණු බවයි ජනාධිපති මාධ්‍ය අංශය නිවේදනය කරන්නේ.
එම ගිවිසුම් පහ පහතින් දැක්වේ.
චිත්‍රපට කර්මාන්තයේ සහයෝගීතාවය සඳහා වූ අවබෝධතා ගිවිසුම
මාධ්‍ය සහ සංචාරක ක්ෂේත්‍රයේ සහයෝගීතාවය සඳහා වූ අවබෝධතා ගිවිසුම
ඉරාන සමුපකාර මණ්ඩලය සහ ශ්‍රී ලංකා ජාතික සමුපකාර සභාව පිළිබඳ අවබෝධතා ගිවිසුම
ඉරාන ඉස්ලාමීය ජනරජයේ ජාතික පුස්තකාලය සහ ලේඛනාගාරය සහ ශ්‍රී ලංකා ජාතික පුස්තකාලය අතර සහයෝගීතාවය සඳහා වූ අවබෝධතා ගිවිසුම
සංස්කෘතික, විද්‍යාත්මක, තාක්ෂණික සහයෝගීතා, ජනමාධ්‍ය, තරුණ සහ ක්‍රීඩා වැඩසටහනට අදාළ අවබෝධතා ගිවිසුම
RN
