සා/පෙළ ඇරඹෙයි!

සටහන – රෂිකා හෙන්නායක

මැයි 06, කොළඹ (LNW):අද (06) දින 2023 අධ්‍යයන පොදු සහතික පත්‍ර සාමාන්‍ය පෙළ විභාගය ආරම්භ වෙයි. 

ලබන 15 වැනිදා දක්වා විභාගය පැවැත්වෙන බව විභාග කොමසාරිස් ජනරාල් අමිත් ජයසුන්දර මහතා පැවසුවේය. මෙවර විභාගය සඳහා පෙනී සිටින අයැදුම්කරුවන් සංඛ්‍යාව, 4 ලක්ෂ 52 979 කි. මධ්‍යස්ථාන 3527කදී මෙවර විභාගය පැවැත්වෙන බව, විභාග කොමසාරිස් ජනරාල්වරයා සඳහන් කළේ ය.

විභාග වංචා සිදුකළහොත් වසර පහක විභාග තහනමකට ලක් කරන බව ද, අමිත් ජයසුන්දර මහතා ප්‍රකාශ කළ අතර , සාමාන්‍ය පෙළ විභාගය වෙනුවෙන් විශේෂ ආරක්ෂක වැඩපිළිවෙළක් ක්‍රියාත්මක බවත්,ඒ සඳහා පොලිස් නිලධාරින් 2000කට ආසන්න පිරිසක් රාජකාරියේ යොදවා ඇති බවත් පොලිස් මාධ්‍ය ප්‍රකාශක, නියෝජ්‍ය පොලිස්පති නීතිඥ නිහාල් තල්දූව මහතා කියා සිටියේය.