කොළඹ LNW:පැපුවා නිව්ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ දැවැන්ත නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කරයි.
ඊයේ (23) එරට වේලාවෙන් පස්වරු 03.00ට පමණ මෙය සිදුව තිබෙන අතර සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බවයි වාර්තා වන්නේ.
මේ අතර සුන්බුන් අතර කොපමණ ප්‍රමාණයක් සිරවී සිටිනවාද යන්න පිළිබඳව ද නිශ්චිත අදහසක් නොමැති බව සඳහන්.
සුන්බුන් ඉවත් කිරීමද සහන කණ්ඩායම් වෙත ඉතා දුෂ්කර කටයුත්තක් වී ඇති බවත් සිදුව තිබෙන හානිය සම්බන්ධයෙන් තවදුරටත් තක්සේරු කරමින් පවතින බවද විදෙස් වාර්තා පෙන්වා දෙයි.
මෙය මීට පෙර සිදු නොවූ ස්වභාවික ව්‍යසනයක් බවයි එරට බලධාරීන් පවසා ඇත්තේ.
ආශිකා බ්‍රාහ්මණ
