මුහුණ පුරා රැවුල වවාගෙන නොසිටින පුද්ගලයන් රාජ්ය සේවයෙන් නෙරපා හැරීමට ඇෆ්ගනිස්ථානයේ පාලක තලේබාන් සංවිධානය තීරණය කර තිබෙනවා. ඒ අනුව එරට රාජ්ය සේවකයෙකු වීමට නම් මුහුණ පුරා රැවුල වවාගෙන සිටීම අනිවාර්ය වේ.
ඉස්ලාම් නීතියට අනුව රැවුල වැවීම රාජ්ය සේවකයන්ට අනිවාර්ය වන අතර මීට පෙර අවස්ථා කිහිපයකදී තලේබාන් සංවිධානය ඒ පිළිබඳව එරට රාජ්ය සේවකයන්ට දැනුම් දී තිබෙනවා.
ඊයේ සිට මෙම නීතිය අකුරටම ක්රියාත්මක කිරීමට තලේබාන් නායකයන් තීරණය කර ඇති අතර කාබුල් අගනුවර රාජ්ය ආයතනවල සේවකයන් එම නීතිය අකුරටම පිළිපදින්නේද යන්න සොයා බැලීම සඳහා නිළධාරීන් යොදවා ඇති බවයි වාර්තා වන්නේ.
මෙම නීතිය අනුගමනය නොකරන පුද්ගලයන්ට රාජ්ය සේවයට එක්වීමට අවස්ථාව නොලැබෙන අතර දැනට රාජ්ය සේවයේ නියුතු පුද්ගලයන් සේවයෙන් නෙරපා හැරෙනු ඇත. ඔවුන්ට රාජ්ය ආයතවලට ඇතුළුවීමද තහනම් වේ.
UN
