රෂිකා හෙන්නායක ජූලි 20, කොළඹ (LNW):
පසුගිය 7 වනදා ධීවර කටයුතු සඳහා පිටත්ව ගිය යාපනය සහ හම්බන්තොට ධීවර වරායන්වල ධීවරයින් 6 දෙනෙකු රැගත් යාත්‍රා දෙකක් අතුරුදන් වී ඇති බව ධීවර දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා පැවසීය.
යාපනය, පොයින්ට් පේදුරු ධීවර වරායෙන් පිටත්ව ගිය බහුදින ධීවර යාත්‍රාවේ ධීවරයින් සිව්දෙනෙකු සිට ඇති බව වාර්තා වන අතර , හම්බන්තොට ධීවර වරායෙන් පිටත්ව ගිය එක්දින ධීවර යාත්‍රාවේ ධිවරයින් දෙදෙනෙකු සිට ඇත.
සුසන්ත කහවත්ත කියා සිටියේ, අදාළ ධීවරයින් සම්බන්ධයෙන් මේ දක්වා කිසිදු තොරතුරක් වාර්තා වී නොමැති අතර ඔවුන් සෙවීම සඳහා නාවික හමුදාව ඇතුළු සියලු පාර්ශ්ව දැනුවත් කර ඇති බවයි .
