සටහන – රුවන් නෙළුගොල්ල
ජනාධිපති රනිල් වික්‍රමසිංහ මහතාට සහාය පළකරමින් ආණ්ඩු පක්ෂයේ මැති ඇමතිවරුන් විසින් සංවිධානය කරන “එක්ව ජයගමු” ජනරැලි මාලාවේ සිව්වන ජනරැලිය මේ වනවිට ආරම්භ වී තිබේ.
ඒ, ගාල්ල නගරසභා ක්‍රීඩාංගණයේදී ය.
“රට දිනවන ඒකාබද්ධ පොදුජන මහා රැලිය” මැයෙන් මෙය පැවැත්වෙන අතර ජනාධිපති රනිල් වික්‍රමසිංහ මහතා මෙහිදී සිය ජනාධිපතිවරණ අපේක්ෂකත්වය නිවේදනය කරනු ඇති බව සඳහන්.
බන්දුල ගුණවර්ධන, මොහොමඩ් අලි සබ්‍රි, ප්‍රසන්න රණතුංග, ටිරාන් අලස් යන අමාත්‍යවරුන්, ගීතා කුමාරසිංහ, මොහාන් ද සිල්වා, පියල් නිශාන්ත, ඩීබී හේරත්, කනක හේරත්, ලොහාන් රත්වත්තේ ඇතුළු රාජ්‍ය අමාත්‍යවරුන් සහ මහින්දානන්ද අලුත්ගමගේ ඇතුළු පාර්ලිමේන්තු මන්ත්‍රීවරුන් රැසක් සමග විශාල පිරිසක් මීට සහභාගී වී සිටිති.
