කොළඹ LNW:දිනිය හැකි ජන්දය පැමිණ තිබෙන අතර ඒ අනුව 2024 ජනාධිපතිවරණය ජාතික ජන බලවේගය දිනිය යුතුම බව එහි නායක පාර්ලිමේන්තු මන්ත්‍රී අනුර කුමාර දිසානායක මහතා අවධාරණය කළේය.
ඒ, ඊයේ (30) අනුරාධපුර බුල්නෑව ගොවි සමුළුව අමතමිනි.
පක්ෂ පාට නොසලකා සියලු දෙනා එක්කරගමිනි ගමේ ජන්ද පෙට්ටිය ජාතික ජන බලවේගය වෙනුවෙන් පිරවීමට ගමේ ජනතාව මැදිහත්විය යුතු බවටයි අනුර දිසානායක මහතා කියා සිටියේ.
එමෙන්ම කිසිලෙසකින්වත් වැරදි තීන්දු සඳහා අත ඔසවපු පාර්ලිමේන්තුවේ කිසිවෙක් ජාතික ජන බලවේගයට එක්කර නොගන්නා අතර හොරු,දුෂිතයින් අවශ්‍ය නැති බව හෙතෙම ප්‍රකාශ කළේය.
මෙතෙක් පාලකයින් ආණ්ඩු හැදුවේ උඩ සිටින පිරිසට වුවත් ජාතික ජන බලවේගය ආණ්ඩුවක් හදන්නේ පොදු ජනතාව වෙනුවෙන් වන අතර ජාතික ජන බලවේගයේ අපි ජනාධිපතිකම් නළලේ කොටගෙන පැමිණ නැති බවත් පොදු ජනතාව සමඟ දේශපාලනය කරමින් ඒ දුක විඳිමින් පැමිණි අය බවටත් අනුර දිසානායක මහතා කියා සිටියේය.
මේ වන විට වරප්‍රසාද, ඇමති ධූර වෙනුවෙන් පොහොට්ටුවේ පිරිසක් රනිල් වික්‍රමසිංහ වෙත බඩ පිනුම් ගසා ඇති ආකාරයද දිසානායක මහතා පැහැදිලි කරන ලදී.
ආශිකා බ්‍රාහ්මණ
