සටහන – රුවන් නෙළුගොල්ල
විද්යුත් වීසා සේවාවන් සැපයීමේ කටයුතු විදෙස් සමාගම් දෙකකට ලබාදීම සඳහා කැබිනට් මණ්ඩලය ගෙන ඇති තීරණය ක්රියාත්මක කිරීම වළක්වාලමින් ශ්රේෂ්ඨාධිකරණය විසින් අතුරු තහනම් නියෝගයක් නිකුත් කර තිබේ.
එම්. ඒ. සුමන්දිරන්, රවුෆ් හකීම් සහ පාඨලී චම්පික රණවක යන පාර්ලිමේන්තු මන්ත්රීවරුන් ඇතුළු පිරිසක් ගොනු කළ මූලික අයිතිවාසිකම් පෙත්සම් විභාගයට ගැනීමට අවසර ලබාදෙමින් ශ්රේෂ්ඨාධිකරණය ඊයේ (02) මෙම අතුරු තහනම් නියෝගය නිකුත් කළේය.
එමෙන්ම අදාළ විදෙස් සමාගම් දෙක සමග ඇති කරගෙන ඇති ගිවිසුම ක්රියාත්මක වීම වළක්වාලමින් තවත් අතුරු තහනම් නියෝගයක් ද ශ්රේෂ්ඨාධිකරණය විසින් නිකුත් කරන ලදී.
