රෂිකා හෙන්නායක අගෝස්තු 04, කොළඹ (LNW):
මහඔය – අරලගංවිල මාර්ගයේ පුද්ගලික බස් රථ දෙකක් එකිනෙක ගැටී අනතුරක් සිදුව ඇති අතර, අනතුරින් පුද්ගලයින් 22දෙනෙකු තුවාල ලබා මහඔය රෝහලට ඇතුළත් කළ බව පොලිසිය පවසයි. තුවාල ලැබූවන් අතර පිරිමි පුද්ගලයින් දෙදෙනෙකු, කාන්තාවන් 12දෙනෙකු, පිරිමි ළමුන් 06දෙනෙකු සහ ගැහැණු ළමුන් දෙදෙනෙකු වන බවද පැවසේ.
මහඔය දෙස සිට අරලගංවිල දෙසට ධාවනය වූ පුද්ගලික බස් රථයක් ප්‍රතිවිරුද්ධ දෙසින් පැමිණි තවත් පුද්ගලික බස් රථයක ගැටී එම අනතුර සිදුව ඇති අතර, අනතුර සම්බන්ධයෙන් එක් බස් රථයක රියදුරෙකු අත්අඩංගුවට ගෙන ඇති අතර මහඔය පොලීසිය වැඩිදුර විමර්ශන සිදුකරන බව පොලීසිය පවසයි.
.
