කොළඹ LNW:මේ රටට නායකත්වය දීමට තරම් කශේරුකාවක්, පෞර්ෂත්වයක් සජිත් ප්‍රේමදාසට නොමැති බව සමඟි ජන බලවේගයෙන් ඉවත් වූ පාර්ලිමේන්තු මන්ත්‍රී ජනාධිපති අපේක්ෂක ෆීල්ඩ් මාෂල් සරත් ෆොන්සේකා මහතා පැවසුවේය.
ෆොන්සේකා මහතා මේ බව පැවසුවේ නාවලපිටිය නගරයේදී පැවති රැස්වීමක් අමතමිනි.
සජිත් ප්‍රේමදාසගේ ජයග්‍රහණයකින් මේ රටට සෙතක් නොවන බවයි ඔහු තවදුරටත් පැවසුවේ.
”මම සමඟි ජන බලවේගයේ තනතුරුවලින් ඉවත් වුණා. ඒකට ප්‍රධානම හේතුව තමයි සජිත් ප්‍රේමදාසගේ කල්ක්‍රියාව. හැමෝම මට කියනවා අපරාදේ අයින් වුණේ හිටියනම් සජිත් දිනුවම අගමැති වෙන්න තිබ්බනේ කියල. නමුත් මගේ හෘද සාක්ෂිය මට මේ වෙලාවේ කියන්නේ සජිත් දිනලා මේ රටට යහපතක් වෙන්නේ නැහැ කියල. මට බැහැ නිවට බියගුළු මිනිස්සු යටතේ වැඩකරන්න. ඒ වෙලාවේ රටේ අර්බුදයක් තිබ්බා. ජනතාව විශාල දුෂ්කරතාවකට පත්වුණා. මම ඇතුළු මන්ත්‍රීවරු 20ක් 25ක් සජිත්ට කිව්වා අපි ආණ්ඩුව භාරගමු. ජනතාව වෙනුවෙන් අපි මේ වැඩේ කරමු කියල. සජිත් කිව්වා බහුතරයක් නැතුව මට නම් බෑ අම්මෝ කියල කිව්වේ. මම ඇහුවා මේ වෙලාවේ අපි රට භාරගන්නේ නැත්නම් අපි බලාගෙන ඉන්නේ හොඳ ලස්සනට රට හදල ඔබතුමාට ගෙනල්ලා ආණ්ඩුව බාරදෙයි කියලද? එතකොට සජිත් කිව්වා මේකට අතගහන එක අවදානම් කියල. අපි ඕනනම් ඒගොල්ලන්ට අන්තර් පාලනයක් හදන්න කියල අපි ඒකට ජැක් එකක් ගහමු කිව්වා. ඒ නිවට බියගුළු කතාවට මට ලලැජ්ජා හිතුනා පක්ෂයේ දෙවෙනියා හැටියට. දැන් මම තරයේ විශ්වාස කරනවා සජිත්ට මේ රටට නායකත්වය දෙන්න අවශ්‍ය කශේරුකාව ඒ පෞර්ෂත්වයක් නෑ.” යනුවෙන් ෆොන්සේකා මහතා අවධාරණය කරන ලදී.
ආශිකා බ්‍රාහ්මණ
