සටහන: සශිකලා මධුෂාණි
සැප්තැම්බර් 16; ලෝකය(අවුට්බවුන්ඩ් ටුඩේ) : අග්‍රාමාත්‍ය නරේන්ද්‍ර මෝදි පසුගිය සෙනසුරාදා(14) දිල්ලියේ ලොක් කල්‍යාන් මාර්ග් හි පිහිටි ඔහුගේ නිවසට පැමිණී පවුලේ නව සාමාජිකයකු පිළිබඳව නිවේදනය කර තිබේ.
අග්‍රාමාත්‍යවරයාගේ නිවසට අලුතින් එකතු වී ඇත්තේ එම පරිශ්‍රයේ දැනටමත් ජීවත් වන එළදෙනකුට දාව උපත ලැබූ නළලේ විශේෂ සලකුණක් සහිත නිරෝගී පුංගනුර් වසු පැටියෙකි. ඔහු නමින් ‘දීප්ජ්‍යෝති’ ලෙසට නම්කර තිබු අතර ‘දීප්ජ්‍යෝති’ සමඟ අගමැති මෝදිගේ ජීවිතය දීප්තිමත් වූ බවයි ඉන්දීය මාධ්‍ය වාර්තා කරන්නේ,
සතුන්ට කරුණාව දැක්වීම සම්බන්ධයෙන් වඩාත් ජනප්‍රිය අගමැති මොදී සිය සමාජ මාධ්‍ය ගිණුමේ සඳහන් කර තිබුණේ, “ලොක් කල්‍යාන් මාර්ග් හි පිහිටි අගමැති නිවාස පවුලට නව සාමාජිකයකුගේ සුබ ගමනක් සිදුව තිබේ.අගමැති නිවහනේදී ආදරණීය එළදෙනක් නළලේ ආලෝකයේ සංකේතයක් සහිත නව පැටවෙකු බිහිකර ඇත. ඒ නිසා මම එය ‘දීප්ජ්‍යෝති’ ලෙස නම් කළා” යනුවෙනි.
ඉන්දියාවේ එළදෙනක් සිටීම ඉතා වැදගත් වන අතර එළදෙනුන් ඇති දැඩි කිරීම සමෘද්ධිය, දයාව සහ වාසනාව ගෙන දෙන බව විශ්වාස කරන අතර පුංගනුර් ගවයෙකු හිමිකර ගැනීම කීර්තියේ සංකේතයක් ලෙස සැලකේ.
