සටහන – රුවන් නෙළුගොල්ල
ඉන්ධන මිල සූත්රය අනුව ඊයේ (30) මධ්යම රාත්රියේ සිට ක්රියාත්මක වන පරිදි ඉන්ධන මිල සංශෝධනය කිරීමට ලංකා ඛනිජ තෙල් නීතිගත සංස්ථාව කටයුතු කර තිබේ.
ඒ අනුව ඔක්ටේන් 92 පෙට්රල් ලීටරයක මිල රුපියල් 21කින් අඩුකර ඇති අතර එහි නව මිල රුපියල් 311කි.
ඔක්ටේන් 95 පෙට්රල් ලීටරයක මිලෙහි කිසිඳු වෙනසක් සිදු නොවන බවයි ඛනිජ තෙල් නීතිගත සංස්ථාව සඳහන් කර ඇත්තේ. ඒ අනුව එම ඉන්ධන ලීටරයක මිල රුපියල් 377ක් වශයෙන් නොවෙනස්ව පවතී.
ලංකා සුදු ඩීසල් ලීටරයක මිල රුපියල් 24කින් අඩුකර ඇති අතර එහි නව මිල රුපියල් 283ක් වේ.
ලංකා සුපර් ඩීසල් ලීටරයක මිල රුපියල් 33කින් අඩුකර ඇති අතර එහි නව මිල රුපියල් 319කි.
ලංකා භූමිතෙල් ලීටරයක මිල රුපියල් 19කින් අඩුකර ඇති අතර එහි නව මිල රුපියල් 183කි.
සිපෙට්කෝ ඉන්ධන මිල ගණන් හා සමාන වන පරිදි තම ඉන්ධන මිල ගණන් ද පහළ දමන බව ලංකා IOC සමාගම සහ සයිනොපෙක් සමාගම ද දැනුම් දී ඇත.
