සටහන – රුවන් නෙළුගොල්ල
සිවිල් පුද්ගලයින්ට ජීවිතාරක්ෂාව සඳහා නිකුත් කර ඇති සියලූම ගිනිඅවි සහ පතරොම් නැවත ලබාගැනීමට ආරක්ෂක අමාත්‍යාංශය තීරණය කර තිබේ.
ඒ අනුව එම ගිනිඅවි සහ පතරොම් නොවැම්බර් 7 වන දාට පෙර ශ්‍රී ලංකා නාවික හමුදාවේ වැලිසර පිහිටි රජයේ වාණිජ පුපුරණ ද්‍රව්‍ය ගබඩාව වෙත භාරදෙන ලෙස සියලුම බලපත්‍රලාභීන්ට දැනුම් දී ඇත.
සමාලෝචනයකින් සහ අවශ්‍යතාවය කුමක්දැයි සොයා බැලීමෙන් අනතුරුව නැවත එම ගිනිඅවි ලබාදීමට නියමිත බවයි ආරක්ෂක අමාත්‍යාංශය නිවේදනය කර ඇත්තේ.
කෙසේවෙතත් මෙය දේපල ආරක්‍ෂාව / වගා හානි ආරක්‍ෂාව හා ක්‍රීඩා කටයුතු සඳහා ආරක්ෂක අමාත්‍යාංශය මඟින් නිකුත් කර ඇති ගිනි අවි සඳහා අදාළ නොවන බවත් දැනුම් දී ඇත.
