සටහන – පුන්සරා ලියනගේ
ඔක්තෝබර් 16,(ලෝකය )අවුට්බවුන්ඩ් ටුඩේ:නිවාස තුනක් විනාශ වූ පිපිරීමකින් හත් හැවිරිදි පිරිමි ළමයෙකු මියගොස් ඇති අතර පුද්ගලයින් හය දෙනෙකු ද තුවාල ලබා රෝහල් ගත කර තිබේ.
මේ හේතුවෙන් හදිසි කාර්ය මණ්ඩලය එරට වේලාවෙන් මධ්‍යම රාත්‍රියේදී පමණ Newcastle හි Benwell හි Violet Close ප්‍රදේශයට කැඳවන ලදී.
ඇසින් දුටු සාක්ෂිකරුවන් පැවසුවේ “ඉතා විශාල පිපිරුමක්” ඇසුණු බවත්, “භයානක ගිනි ඇවිලීමක්” දුටු බවත් ය.
Northern Gas Networks පැවසුවේ එහි ඉංජිනේරුවන් එම ස්ථානයේ සිටි බවත්, එම ප්‍රදේශයේ සිටීමෙන් වළකින ලෙසත් ජනෙල් දොරවල් වසා තබන ලෙසත් ජනතාවට අනතුරු අඟවා ඇති බවයි.
බඩ්ල් පාර සහ ඒ අවට ප්‍රදේශයේ මාර්ග වසා දැමීම් ක්‍රියාත්මක බව නෝර්තම්බ්‍රියා පොලිසිය පවසයි.
මෙම සිදුවීමෙන් නිවාස තුනක් සම්පූර්ණයෙන්ම විනාශ වී ඇති අතර වහලවල් කඩා වැටී, පිටත පාරේ සුන්බුන් ගොඩවල් ද දැකගත හැකි විය.
