රෂිකා හෙන්නායක ඔක්තෝබර් 26, කොළඹ (LNW):
කොට්ටාව නගර මධ්‍යයේ වෑන් රථයක් ගිනි ගෙන සම්පූර්ණයෙන්ම විනාශ වී ඇති බව පොලිසිය පවසයි. බොරැල්ල දෙස සිට කොට්ටාව දෙසට 174 බස් මාර්ගය ඔස්සේ ධාවනය වූ රථයක් මෙලෙස ගිනි ගැනීමට ලක්ව ඇති බව සඳහන් වේ.
රියදුරු වාහනය මාර්ගය අසල නවතා බැස ගොස් ඇති අවස්ථාවක අදාළ ගින්න හටගෙන ඇති බවයි. එහි සිටි පුද්ගලයින් දෙදෙනෙකු නිරුපද්‍රිතව දිවි බේරාගැනීමට සමත්වී තිබෙන බව වාර්තා වේ. කෝට්ටේ නගර සභාවේ ගිනි නිවන රථයක් පැමිණ අදාළ ගින්න නිවා දමා ඇති බව සඳහන් වේ.
ගින්නට හේතුව මෙතෙක් අනාවරණ වී නොමැති අතර කාර්මික දෝෂයක් හේතුවෙන් මෙය සිදුවන්නට ඇති බවට පොලිසිය සැක පළ කරයි.
කොට්ටාව පොලිසිය විසින්, සිද්ධිය සම්බන්ධයෙන් ක්‍රියාත්මකයි.
