කොළඹ LNW: රනිල් වික්‍රමසිංහගේ වුවමනාව ඉටුකිරීම සඳහා කුමන නාඩගම නැටුවත් ජාතික ජන බලවේගය ලෙස ආරම්භ කර තිබෙන ගමන ඉදිරියට යන බව කුරුණෑගල දිස්ත්‍රික් අපේක්ෂක නාමල් කරුණාරත්න මහතා පවසයි.
ඒ අනුව එළඹෙන 14 වැනිදා ජාතික ජන බලවේගය අතිවිශිෂ්ට ජයග්‍රහණයක් ලබා ගන්නා බවයි ඔහු පවසන්නේ.
ජනාධිපතිවරණයේදී වෙනත් පක්ෂවලට ජන්දය දුන්න විශාල ජනතාවක් මේ වන විට මාලිමාවත් සමඟ ඉතා වේගයෙන් එකතු වෙමින් සිටින බවද නාමල් කරුණාරත්න මහතා කියාසිටියි.
”මොන මඩ අවලාද නැගුවත්, ගම්ම්න්පිලලා නෙවෙයි කවුරු වුණත් රනිල්ගේ ගැටේට අහුවෙලා රනිල්ගේ වුවමනාව ඉෂ්ට කරමින් මොන නාඩගම නටන්න හැදුවත් මේ ගමන අපි ඉස්සරහට යනවා. ජනතාව මෙයට පෙළගැහෙනවා.අපි කියනවා අනිවාර්යයෙන්ම එළඹෙන 14 වැනිදා මැතිවරණයේ ජාතික ජන බලවේගය අතිවිශිෂ්ට ජයග්‍රහණයක් රට තුළ ලබනවා. අපි කුරුණෑගල දිස්ත්‍රික්කය විදිහට කියනවා කුරුණෑගල දිස්ත්‍රික්කයේ අපි අතිවිශිෂ්ට ජයග්‍රහණයකින් මේක කෙළවර කරනවා. ඒ කෙළවර කිරීමට අදාළ සියලුම සැලසුම් සූදානම් කිරීම් අපි කරලා තියෙනවා. අපිට දැනෙනවා මෙතෙක් ජන්දය නොදුන්න අති බහුතර ජනතාවක්, ඒවගේම තමයි අනික් පක්ෂවලට ජන්දය දුන්න විශාල ජනතාවක් මේ වෙනකොට ඉතාමත් වේගයෙන් මාලිමාවත් එක්ක එකතුවෙමින් තියෙඅන්ව කියන කාරණය මතක් අක්රමින් අපි මේ ආණ්ඩුව අංග සම්පූර්ණ කළාට පස්සේ අනිවාර්යයෙන්ම මේ රට පරිවර්තනිය යුගයකට රට අරගෙන යනවයි කියන කාරණයත් මතක් කරනවා.” යනුවෙන් ඔහු තවදුරටත් අවධාරණය කරයි.
ආශිකා බ්‍රාහ්මණ
