හිටපු මහජන ආරක්ෂක අමාත්‍ය සරත් වීරසේකර මහතා නව කැබිනට් මණ්ඩලයේ කිසිදු ඇමති ධූරයක් භාර නොගැනීමට තීරණය කර තිබේ.
ඒ සම්බන්ධයෙන් ඔහු සිය ෆේස්බුක් ගිණුමේ නිවේදනයක් පළකර ඇත.
රටේ පවතින වර්තමාන අර්බුදය හේතුකොට ගෙන තමන් එවැනි තීරණයක් ගත් බවයි වීරසේකර මහතා සඳහන් කරන්නේ.
තමන් කවදත් රටේ ඒකීයභාවය,සම්බුද්ධ ශාසනය සහ ජනතාව වෙනුවෙන් පෙනී සිටි අතර ඉදිරියටත් සිය යුතුකම රට සහ ජනතාව වෙනුවෙන් ඉටුකරන බවද හෙතෙම අවධාරණය කරයි.
වියත් මඟ හරහා වත්මන් ආණ්ඩුව බලයට ගෙන ඒමට ක්‍රියාකාරී වූ තැනැත්තෙක් ලෙස සරත් වීරසේකර මහතා හඳුනා ගෙන සිටි අතර පසුගිය කාලය තුළ ඔහු සම්බන්ධයෙන් වාර්තා වූ ඇතැම් සිදුවීම් නිසා සමාජය තුළ ඔහු සම්බන්ධයෙන් දැඩි විවේචන එල්ලවෙන ආකාරයද දක්නට ලැබුණි.
ASK