රෂිකා හෙන්නායක නොවැම්බර් 06, කොළඹ (LNW):
මේ වන විට රාජ්‍ය පරිපාලන සේවාව ඇතුළු රජයේ විධායක සේවා කිහිපයක 1200කට අධික පුරප්පාඩු සංඛ්‍යාවක් පවතින බව රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍යාංශය පවසයි.
රාජ්‍ය පරිපාලන සේවයේ හා ගණකාධිකරණ සේවාවල වැඩිම පුරප්පාඩු සංඛ්‍යාවක් පවතින බවත් , එම සංඛ්‍යාව 600කට අධික බව ද අමාත්‍යාංශය ප්‍රකාශ කළේ ය.
අදාළ සේවාවන්ට බඳවා ගැනීම සඳහා මේ වනවිට විභාග පවත්වා අවසන් කර ඇති අතර, එහි ප්‍රතිඵල මත බඳවා ගැනීම් සිදු කෙරෙනු ඇති, අතර ඉංජිනේරු සේවයේ ඇති පුරප්පාඩු සංඛ්‍යාව 250කට අධික බව පැවසේ.
සැලසුම් සේවයේ හා විද්‍යාත්මක සේවාවල පුරප්පාඩු 100 බැගින් පවතින බවත්, මෙම සියලු පුරප්පාඩු සඳහා බඳවා ගැනීම් කඩිනමින් සිදු කිරීමට සැලසුම් කර ඇති බව ද අමාත්‍යාංශය ප්‍රකාශ කළේ ය.
