සටහන – රුවන් නෙළුගොල්ල
මෙරට නිල සංචිත ප්‍රමාණය 2024 ඔක්තෝබර් මාසයේදී ඇමරිකානු ඩොලර් බිලියන 6.46ක් දක්වා ඉහළ ගොස් ඇති බව ලොව ප්‍රධානතම ණය ශ්‍රේණිගත කිරීමේ ආයතනයක් වන ෆිට් රේටිංස් පවසයි.
2024 සැප්තැම්බර් මාසයේදී මෙරට නිල සංචිත ඇමරිකානු ඩොලර් බිලියන 5.99 ක්ව තිබූ බව පවසන ෆිට් රේටිංස් ආයතනය ඒ අනුව සැප්තැම්බර් මාසයට සාපේක්ෂව ඔක්තෝබර් මාසයේදී එය 7.9% ක වර්ධනයක් පෙන්නුම් කර ඇති බව මෙන්ම 2023 ඔක්තෝබර් මාසයට සාපේක්ෂව 2024 ඔක්තෝබර් මාසයේදී නිල සංචිත 81% ක වර්ධනයක් පෙන්නුම් කරන බවත් සඳහන් කරයි.
ජාත්‍යන්තර මූල්‍ය අරමුදල විසින් මෙරටට ලබාදී ඇති සහාය මෙසේ නිල සංචිත ඉහළ යාමට බෙහෙවින් බලපා ඇති බවයි ෆිච් රේටිංස් ආයතනය වැඩිදුරටත් ප්‍රකාශ කරන්නේ.
මෙම නිල සංචිත තුළ චීනයෙන් මෙරටට ලබාදී ඇති විදෙස් මුදල් හුවමාරු පහසුකමක් ද ඇතුළත් වේ.
