රෂිකා හෙන්නායක නොවැම්බර් 13, කොළඹ (LNW):
සිහිකැඳවීම් ගණනාවකින් පසු, අභාවප්රාප්ත හිටපු රාජ්ය අමාත්ය සනත් නිශන්ත මහතාට රජය විසින් ලබාදී තිබූ නිවාසය නැවත භාරදී ඇති බවට අධිකරණ, රාජ්ය පරිපාලන, ස්වදේශ කටයුතු, පළාත් සභා, පළාත් පාලන සහ කම්කරු අමාත්යංශ ආරංචි මාර්ග සඳහන් කරයි.
ජාතික පුවත්පතක දැක්වෙන්නේ, හිටපු රාජ්ය අමාත්යවරයාගේ පවුලේ හිතවතකු පැමිණ හිඟ කුලී මුදල ගෙවීමෙන් අනතුරු අමාත්යංශයේ නිලධාරින් පිරිසක් ගොස් එම නිවස භාරගෙන ඇති බවයි
සනත් නිශාන්ත මහතා රිය අනතුරකින් පසුගිය ජනවාරි මස 25 වැනිදා මිය ගිය අතර, ඉන් අනතුරුව ඔහුගේ බිරිඳට සහ දරුවන්ට එම නිවාසයේ රැඳි සිටීමට එවක පැවැති රජය අවස්ථාව සලසාදී තිබුණි .
.
කෙසේවෙතත් නව ආණ්ඩුව බලයට පත්වීමත් සමඟ හිටපු මැතිඇමතිවරුන්ගේ නිල නිවාස යළි රජයට භාර ගැනීමට තීරණයක් ගෙන තිබුණු අතර, ඒ අනුවයි, හිටපු රාජ්ය අමාත්ය සනත් නිශන්ත මහතාගේ නිවසත් භාරගැනීමට කටයුතු කළේය.
අමාත්යංශයේ ආරංචි මාර්ග වැඩිදුරටත් සඳහන් කළේ, ඒ අනුව හිටපු කැබිනට් සහ රාජ්ය අමාත්යවරුන්ගේ නිල නිවාස සියල්ල භාරදී අවසන් බවයි,
