සටහන – නිශ්මං රණසිංහ
නොවැම්බර් 19,(LNW) කොළඹ :
දකුණු අප්‍රිකානු සංචාරය සඳහා නම් කරන ලද ශ්‍රී ලංකා ටෙස්ට් ක්‍රිකට් සංචිතයට කලකට පසුව ලසිත් ඇඹුල්දෙණියගේ නම ද ඇතුළත්ව තිබෙනවා.ආසන්න ඉතිහාසයේ ඇඹුල්දෙණිය ජාතික කණ්ඩායමට කීඩා කරද්දී,ඔහු තරග දිනවන පන්දු යවන්නෙක් විදිහට දකින්නට ලැබුණත්,ආබාධ ද හේතු කර ගෙන ඔහුට කණ්ඩායමෙ ස්ථානය අහිමි වී ගියා.එවැනි තත්ත්වයක යළි දක්ෂතා අතරට පැමිණ ජාතික කණ්ඩායමට එක්වීමට හැකි වීම විශේෂ අවස්ථාවක් ලෙස සැළකිය හැකියි.
ධනංජය ද සිල්වාගේ නායකත්වයෙන් යුත් ශ්‍රී ලංකා කණ්ඩායමට පැතුම් නිශ්ශංක,දිමුත් කරුණාරත්න, දිනේෂ් චන්දිමාල්,ඇන්ජලෝ මැතිව්ස්,කුසල් මෙන්ඩිස්,කමිඳු මෙන්ඩිස්,ඕෂද ප්‍රනාන්දු, සධීර සමරවික්‍රම,ප්‍රභාත් ජයසූරිය,නිශාන් පීරිස්,ලසිත් ඇඹුල්දෙණිය,මිලාන් රත්නායක,අසිත ප්‍රනාන්දු,විශ්ව ප්‍රනාන්දු,ලහිරු කුමාර සහ කසුන් රාජිත ඇතුළත් වෙනවා.
