රෂිකා හෙන්නායක දෙසැම්බර් 04, කොළඹ (LNW):
ජනතා වතු සංවර්ධන මණ්ඩලයට විසින් බදුල්ල දිස්ත්රික්කයේ පිහිටා තිබෙන දික්වැල්ල වතුයාය සහ උනුගල්ල වතුයාය සමාගම් දෙකකට මීට වසර කීපයකට ඉහතදී බද්දට ලබාදී ඇති අතර, එම වතු සමාගම් දෙකකට අයත් වතු බංගලාවල අනවසරයෙන් පදිංචිවී සිටින දේශපාලඥයන් දෙදෙනාගෙන් එම බංගලා වහාම ලබාගැනීමට කටයුතු කරන ලෙස, වැවිලි සහ ප්රජා යටිතල පහසුකම් අමාත්යාංශය විසින් එම සමාගම්වලට දැනුම්දී ඇති බව වාර්තා වේ.
ඒ අනුව, ලංකා කම්කරු කොංග්රසයේ නායක, නැගෙනහිර පළාතේ හිටපු ආණ්ඩුකාර සෙන්දිල් තොණ්ඩමන් දික්වැල්ල වතු බංගලාවකද, හිටපු පාර්ලිමේන්තු මන්ත්රි වඩිවේල් සුරේෂ් උණුගල්ල වතුයායේ වතු බංගලාවකද දැනට කාලයක් තිස්සේ අනවසරයෙන් පදිංචිව සිටින බව අනාවරණය වී ඇත. එබැවින් වහාම අමාත්යාංශය විසින් එම වතු සමාගම් දෙකට දැනුම්දී ඇත්තේ, අදාළ වතු බංගලා දෙක බාරගන්නා ලෙසයි.
