කොළඹ LNW:චීනය පුරා දරුණු වෛරසයක් යළි පැතිර යන බවට සමාජ මාධ්ය ඔස්සේ ප්රචාරය වුණා. නමුත් එය කිසිදු භයානක තත්ත්වයක් නොවන බව ලෝක සෞඛ්ය සංවිධානය සහ චීන රජය මේ වනවිට තහවුරු කර තිබෙනවා.
එම වෛරසය වැළදුනු රෝගින්ගෙන් චීනයේ රෝහල් පිරී පවතින බවට ද වාර්තා පළ වුණා. එහෙත් චීන විදේශ අමාත්යාංශය සඳහන් කරන්නේ මෙම වාර්තාවල කිසිදු සත්යතාවක් නොමැති බවයි.
හියුමන් මෙටානියුමෝනියා හෙවත් එච් එම් පී වී නැමැති වෛරසයයි මෙලෙස ව්යාප්ත වන බවට වාර්තා වුණේ. ශිත සෘතුව ආරම්භ වීමත් සමග ශ්වසන රෝග උත්සන්න වීම සාමාන්ය තත්ත්වයක් බව අප කළ විමසීමකදී එරට සිටින ශ්රී ලාංකිකයින් ද ප්රකාශ කළා.
කෙසේ වුවද පසුගිය වසරට සාපේක්ෂව මෙම වසරේ දී එවැනි ශ්වසන ආබාධවල බලපෑම ද අවම මට්ටමක පවතින බව ද වාර්තා වෙනවා. තමන්ට මෙතෙක් කිසිදු සෞඛ්යමය බලපෑමක් වාර්තා වී නොමැති බවත්, චීනයේ එදිනෙදා දෛනික කටයුතු සාමාන්ය පරිදි සිදු වන බවත් චීනයේ නන්චන් නුවර සිටින සහකාර මහාචාර්ය දසුනි නයන්තරා ජයරත්න මහත්මිය ද අප සමග සදහන් කළා.
දිනූෂි ධීරසිංහ
