සටහන – නිශ්මං රණසිංහ
ජනවාරි 09 ,(LNW)කොළඹ :
ලෝක තහනම් උත්තේජන ඒජන්සිය විසින් 2025 ජනවාරි පළමුවැනි දින සිට බල පැවත්වෙන පරිදි තහනම් උත්තේජන ඖෂධ ලැයිස්තුව යාවත්කාලීන කර ප්‍රසිද්ධ කර ඇත.
තහනම් ලැයිස්තුව යනු ලෝක තහනම් උත්තේජක විරෝධී නීති සංග්‍රහයට (කේතය) අත්සන් කරන සියලුම දෙනා සඳහා අනිවාර්ය වන ජාත්‍යන්තර ප්‍රමිති අටෙන් එකක් වන අතර තරඟය තුළ සහ ඉන් පිටත තහනම් කර ඇති ද්‍රව්‍ය භාවිතය අනුව දඬුවම් නියම වේ.
යාවත්කාලීන කරන ලද ලැයිස්තුවට නව තහනම් ද්‍රව්‍ය, ඇතැම් ඖෂධ සඳහා මාත්‍රා කාල පරතරයන්හි වෙනස්කම් සහ හිම ක්‍රීඩාවලදී හෘදය ස්පන්ධනය මන්දගාමී කරන බීටා-බ්ලෝකර් ඉවත් කිරීම ද ඇතුළත් කර තිබෙන බව සැළවේ.ඇතැම් ඖෂධ අලුතින් හඳුනා ගැනීම මෙන්ම ඇතැම් ඖෂධ ඉවත් වීම ආදියද ඇතුළත් වන නව යාවත්කාලීන කිරීම ක්‍රීඩාවේ නියැලෙන සියලු දෙනාට වැදගත් අතර පහත සබැඳියාව යොදා ගෙන ඊට පිවිස අදාළ ලේඛණය භාගත කිරීමට ද හැකියාව ඇත.
https://bit.ly/4h7yxqW
