සටහන – රුවන් නෙළුගොල්ල
අභියාචනාධිකරණයේ වැඩබලන සභාපතිවරයා වශයෙන් විනිසුරු මොහොමඩ් ලෆාර් තාහීර් මහතා පත්කර තිබේ.
ඒ අනුව වැඩබලන අභියාචනාධිකරණ සභාපති විනිසුරු ලෙස විනිසුරු මොහොමඩ් ලෆාර් තාහිර් මහතා දිවුරුම් දීම අද (පෙබරවාරි 02) ජනාධිපති අනුර කුමාර දිසානායක මහතා ඉදිරියේ ජනාධිපති ලේකම් කාර්යාලයේදී සිදුකෙරිණි.
විනිසුරු මොහොමඩ් ලෆාර් තාහීර් මහතා දැනට අභියාචනාධිකරණයේ සිටින ජ්‍යේෂ්ඨතම විනිසුරුවරයා ය.
අභියාචනාධිකරණ සභාපති විනිසුරු බන්දුල කරුණාරත්න මහතා විශ්‍රාම පූර්ව නිවාඩු ලබා ගෙන ඇති අතර, එය ජනාධිපති අනුර කුමාර දිසානායක මහතා විසින් පිළිගෙන ඇති බවයි ජනාධිපති මාධ්‍ය අංශය සඳහන් කරන්නේ.
