රෂිකා හෙන්නායක පෙබරවාරි 10, කොළඹ (LNW):
හෙට (11) දින නියම කර තිබූ , සබරගමුව මහ සමන් දේවාලයේ නිලවරණය පැවැත්වීම වළක්වාලමින් අභියාචනාධිකරණය විසින් අතුරු තහනම් නියෝගයක් කර ඇති බව වාර්තා වේ.
එම දේවාලයේ තාවකාලික භාරකරු වශයෙන් පත් කර තිබූ එස්. වී.චන්ද්‍රසිංහ මහතා විසින් ගොණු කර තිබූ පෙත්සමක් සලකා බැලීමෙන් ලබන 20 වනදා තෙක් බල පැවැත්වෙන පරිදි එම අතුරුතහනම් නියෝගය නිකුත් කළ බව පැවසේ.
පෙත්සම්කරු වෙනුවෙන් පෙනී සිටි නීතිඥවරයා ඉදිරිපත් කළ කරුණු සලකා බැලීමෙන් අනතුරුව මෙම නියෝගය නිකුත් කළ බව වාර්තා වන අතර, අදාළ නිලවරණය පැවැත්වෙන ආකාරය නීතියට පටහැනි බවද එම පෙත්සම මඟින් පෙන්වා දී ඇත.
