කොළඹ LNW:මේ වන විට විවිධ අක්‍රමිකතා, වංචා, දුෂණ වලට අදාළව ආණ්ඩුව විසින් නම් ලැයිස්තු ප්‍රසිද්ධ කරමින් තිබෙන අතර ආණ්ඩුවේද එවැනි ලැයිස්තුවක් තිබෙන බව සමඟි ජන සන්ධානයේ පාර්ලිමේන්තු මන්ත්‍රී දයාසිරි ජයසේකර මහතා පවසයි.
ඒ අනුව ඉදිරියේදී එම ලැයිස්තුව රටට හෙළිකිරීමට බලාපොරොත්තු වෙන බවයි මන්ත්‍රීවරයා සඳහන් කරන්නේ.
”ආණ්ඩුව දාපු ලැයිස්තුව වෙනුවට අපටත් දැන් ලැයිස්තුවක් හම්බවෙලා තියෙනවා. ඒ ලැයිස්තුව අපි ලබන පාර දාන්නේ. ඒගොල්ලන්ගේ අගමැතිගේ ඉදල තියෙනවා ලැයිස්තුවක් දාන්න.” යනුවෙන් දයාසිරි ජයසේකර මහතා කියාසිටියි.
ඔහු මෙම අදහස් දක්වා සිටියේ අද (13) මැතිවරණ කාර්යාලයට පැමිණි අවස්ථාවේ මාධ්‍ය වෙත අදහස් දක්වමිනි.
ආශිකා බ්‍රාහ්මණ
